ചെങ്ങന്നൂര്‍: അഖില ഭാരത അയ്യപ്പ സേവാസംഘം ചെങ്ങന്നൂര്‍ ക്യാമ്പില്‍ മകരവിളക്ക് ദര്‍ശനം കഴിഞ്ഞെത്തുന്ന അയ്യപ്പഭക്തര്‍ക്ക് രാത്രിയില്‍ ഭക്ഷണം ക്രമീകരിച്ച് വിതരണം ചെയ്യുന്നതിന് താലൂക്ക് കമ്മിറ്റി തീരുമാനിച്ചു. മകര വിളക്ക് ദിവസം പ്രാദേശിക അവധി പ്രധാന ഇടത്താവളമായ ചെങ്ങന്നൂരില്‍ പ്രഖ്യാപിക്കണമെന്ന് കളക്ടറോട് യോഗം ആവശ്യപ്പെട്ടു. ശബരിമല തന്ത്രിയെ അറസ്റ്റ് ചെയ്തതിന് പിന്നില്‍ ഗൂഢാലോചന എന്ന് യോഗം ഉദ്ഘാടനം ചെയ്ത് ദേശീയ ജനറല്‍ സെക്രട്ടറി ഡി.വിജയകുമാര്‍ പറഞ്ഞു. സംസ്ഥാന വൈസ് പ്രസിഡന്റ് ബാബു കല്ലൂത്ര അധ്യക്ഷത വഹിച്ചു. താലൂക്ക് യൂണിയന്‍ സെക്രട്ടറി ഷാജി വേഴപ്പറമ്പില്‍, കെ.ബി.യശോധരന്‍, സന്തോഷ് കുമാര്‍ മാന്നാര്‍, ടി.സി.ഉണ്ണികൃഷ്ണന്‍, രാമചന്ദ്ര കൈമള്‍, രാജേഷ് മുളക്കുഴ, അംബി തിട്ടമേല്‍, മുരുകന്‍ ആചാരി, രാജേഷ് വെച്ചൂരേത്ത്, ഗിരിജത്ത്, പ്രവീണ്‍ ആല തുടങ്ങിയവര്‍ പ്രസംഗിച്ചു.
